مطعم جوليا - giulia الكويت
مطعم جوليا مستوحى من مدينة فيجونوفو وهي بلدة صغيرة في شمال إيطاليا حيث يوجد الطعام عنصر أساسي للروح - شكل من أشكال الفن.انضم إلينا في هذه الرحلة لاكتشاف النكهات الإيطالية الشمالية الأصيلة التي تمثل ثقافتنا وأرواحنا "نشأنا ونحن نأكل طعام ثقافتنا ، وأصبح جزءًا من هويتنا مطعم جوليا في الكويت ...
منيو مطعم جوليا
 |
| منيو مطعم جوليا |
 |
| منيو مطعم جوليا |
رقم الهاتف:
- 96522398080+
عنوان مطعم جوليا:
بعض الاراء عن مطعم جوليا تم نقلها من جوجل ماب وانستقرام:
(mohammed alenzi)مطعم إيطالي تبع الشيف ماركو صاحب vigonovo الفرع الأول الشبيه لهذا المطعم ، المطعم مستواه زين والمكونات طازجة وجودتها عالية ، الخدمة والإستقبال ممتازين ، أول ماتقعد يقدمون لك خبز لذيذ ، من الطلبات اللي ماعجبتني البروشيتا كابوناتا كان طعم الباذنجان طاغي زيادة وخرب طعم الطبق بالكامل ، اللازانيا لذيذة وبيتزا المارغريتا جيدة لكن السعر مبالغ فيه بالنسبة للحجم ، عموما المطعم ماشفت فيه شيء مميز يستاهل زيارة ثانية بس راح أزوره ثاني مرة لتجربة أطباق مختلفة عن اللي جربتهم
(mohammad alosaimi)كنت أحاول كتابة هذا الاستعراض منذ أيام. الشيء الوحيد الذي يمكنني قوله هو إجراء حجز وطلب كل ما لن تندم عليه. كل شيء مذهل. شكرا لك ماركو تحفة أخرى في الكويت.
(junereviews@)تجربة الداين ان بالسيارة عند مطعم جوليا عجيبة، رحنا وايد مبجر وكنا أول زباين سافطين عند الدوار وصادفنا شيف ماركو الحبوب قبل لا يروح المطعم الثاني وضيفنا بمشروب البيليني المنعش، طاولتهم تونس وثابتة وطلبنا ڤيتيلو وبوراتا دپس وواغيو ستيك وموهيتو، الاكل خطير وتعمدنا نطلب عالاقل طبقين مو مكررين لأن سبق وجربنا وايد اطباق، وعلى الرغم من الجو الحار والتعب والكراف الا ان ستافهم وايد لطفاء وبالهم طويل وكانت الخدمة سريعة وفوق الممتازة والصراحة يستحقون كل احترام وتقدير على هالمجهود الرائع، تجربة تسوى النطرة وكل فلس اندفع فيها وقاعدين نفكر نكررها كل سبت 🥰🙏🏼
(@nosa50).. اليوم يصادف تاريخ ميلاد صديقتي اللي مايصير أطوّف الاحتفال فيها، عشان جذي اخترت يكون غدانا مع قرار إغلاق المطاعم عن طريق خدمة السيارات بمطعم جوليا اللذيذ، اللي بالضبط بالضببببببط انتو بالمطعم بس مو بالمطعم.. البداية بالتنظيم لحجز دور للسيارة، حاطين لهم مكان صاد عن زحمة ولوية الشارع اللي فيه المطعم تاخذون منه رقم الدور وبعدين تروحون المطعم اللي يوفر لكم موقف للسيارة .. ومن هني تبدأ الخدمة بإنهم يثبتون صينية داخل سيارتكم من الشباك للشباك ويُقدّم عليها الأكل بأطباق المطعم نفسه مو أطباق تيك أواي.. وحتى تكتمل التجربة وعشان ماتطوفكم مناسباتكم يغنون أغاني الميلاد مع شمعة🥳.. زمن الكورونا خلّى الكل يبدع ويطلع بأفكار تنافسية تسعد الشعب المحكور وترد على أصحاب هذه الأفكار بالمنفعة.. حبيتوا فكرة هذا المطعم بالأكل بالسيارة..!؟ المهم لسان حالي بآخر صورة شيقول..!؟ منو المطعم اللي راح يتفوق على جوليا ولا منو الشخص اللي راح أرد أكرر وياه التجربة في جوليا 🤔😁..!؟
(@anfali_with_love)اليوم عشت الاجواء الايطاليه بكل لذتهاتجربة اليوم dine in car كانت مع المطعم الايطالي جوليا في منطقة شويخ 💚طريقة الاكل بالسياره عندهم جدا مريحه ايبون لكم طاوله مفصله على قياس السياره من الدريشه لي الدريشه ثابتهتسمح لكم تاكلون بكل اريحيه بدون محاتات الاكل يطيح او المشاريب تنكب 👌طلباتنا كلها ولا غلطه لذيذه باستثناء السلطه كان فيها زيت السمسم شويه مخرب عليها و حق اللي فيه حساسيه من السمسم لازم ينتبه 😅بخصوص التنظيم وايد حلو ومرتب عشان محد ياخذ دور احد يحطون ارقام عالسياره يمشونكم بالدور 👏🏻اذا تحبون الاكل الايطالي الاصلي انصحكم تجربونه 🥰 🇮🇹*ملاحظه ممكن تهم البعض الاسعار نسبيا تعتبر مرتفعه